Latviya Rusiya və Belarusla sərhəddəki hava məkanını bir həftə müddətinə bağlayıb.
Modern.az xəbər verir ki, bu barədə sentyabrın 11-də ölkənin müdafiə naziri Andris Spruds X sosial şəbəkəsində bildirib.
“Hava məkanı zonası bu gün saat 18:00-dan ən azı bir həftə - sentyabrın 18-dək bağlı olacaq”, - o yazıb.
Nazir əlavə edib ki, qərar Belarusda keçiriləcək “Qərb - 2025” Rusiya-Belarus təlimləri kontekstində qəbul edilib. Sprudsun fikrincə, bu, Latviya hərbçilərinə hava məkanına daha effektiv nəzarət etməyə və icazəsiz obyektlərin aşkarlanmasını sadələşdirməyə imkan verəcək.
