Qazaxıstanda Su-30SM qırıcısı Balxaş şəhərində yerləşən təlim mərkəzinə eniş edərkən qəzaya uğrayıb.
Modern.az xəbər verir ki, bu barədə Qazaxıstanın Müdafiə Nazirliyinin açıqlamasında deyilir.
"Təlim uçuşları zamanı çoxfunksiyalı Su-30SM qırıcısı Balxaş şəhərinin aviasiya təlim mərkəzində eniş edərkən qəzaya uğrayıb. Təyyarənin heyəti katapul edib, onlar sağdırlar və həkimlərin nəzarəti altındadırlar" - açıqlamada bildirilir.
Qeyd edilir ki, hadisə yerinə qəzanın səbəbini müəyyən etmək üçün xüsusi komissiya cəlb edilib.
