2021-ci il icmal büdcəsinin gəlirləri 23 828,1 mln manat proqnoza qarşı 33 903,7 mln. manat, yaxud 10 075,6 mln. manat və ya 42,3 faiz icra olunub.
Modern.az xəbər verir ki, bununla əlaqədar məlumat Nazirlər Kabinetinin 2021-ci il üzrə hesabatına əks olunub.
Hesabata görə, bu göstərici 2020-ci illə müqayisədə 9238,5 mln manat və ya 38,6 faiz çoxdur.
İcmal büdcəsinin xərcləri 31163,4 mln manat proqnoza qarşı 29 990,5 mln manat və ya 96,2 faiz icra olunub. Bu da 2020-ci ilə nisbətən 830,4 mln manat və ya 2,8 faiz çoxdur. 2021-ci ilin icmal büdcəsi 7 335,3 mln manat kəsirlə proqnozlaşdırılsa da, faktiki olaraq 3 913,2 mln manat büdcə artığı (profisit) yaranıb.
Hesabata əsasən, 2021-ci il üçün dövlət büdcəsinin gəlirləri 25 427 mln manat proqnoza qarşı 26 396,3 mln manat təşkil edib. Bu da 969,3 mln manat, yaxud 3,8 faiz, 2020-ci illə müqayisədə isə 1 714,6 mln manat və ya 6,9 faiz çoxdur.
2021-ci ili üçün dövlət büdcəsinin xərcləri 27 422,4 mln manat və ya 96,1 faiz səviyyəsində icra olunub. Bu da 2020-ci illə müqayisədə 1 006,1 mln manat və ya 3,8 faiz çoxdur.
