“Elə pensiyaçı olmadı ki, onlara dövlət başçısının müvafiq sərəncamları ilə maddi dəstək göstərilməsin”.
Modern.az xəbər verir ki, bununla bağlı Dövlət Sosial Müdafiə Fondunun İdarə Heyətinin sədr müavini Zəka Mirzəyev məlumat verib:
“2022-ci ilin yanvarın 1-nə qədər Dövlət Sosial Müdafiə Fondu tərəfindən pensiya ödənilən 1 milyon 200 min pensiyaçı var. Onların 1 milyon 100 mininə münasibətdə 3.4 faizlik indekslə artım müəyyənləşdirildi. Əlavə olaraq hər bir pensiyaçıya illik 200 manat yardım ödənilməyə başladı. Fevral ayında ilk ödənişlər həyata keçirildi. Növbəti rüb üçün nəzərdə tutulan 50 manat ödənişlər aprel ayında həyata keçiriləcək”.
