Baş nazir Əli Əsədov Milli Məclisdə quru sərhədlərinin nə zaman açılacağı ilə bağlı məsələyə münasibət bildirib.
Modern.az-ın məlumatına görə, Baş nazir xatırladıb ki, pandemiya dövründə quru sərhədlərinin bağlanmasına qərar verilib.
"Pandemiya azalıb, amma tam aradan qalxmayıb. Hava nəqliyyatı ilə məhdudiyyətsiz gediş-gəliş var. Ayın 21-dən etibarən Rusiya da hava nəqliyyatı ilə gediş-gəlişi bərpa edəcək.Dağıstandakı soydaşlarımızın məsələsi ilə bağlı fikir səsləndirildi. Bu, diqqətdədir, amma qəti qərar deyə bilmərəm",- Baş nazir qeyd edib.
