Milli Məclisin ATƏT PA-da nümayəndə heyətinin rəhbəri, bu qurumun vitse-prezidenti və büro üzvü Azay Quliyev aprelin 2-dən 5-nə kimi Danimarka Krallığının paytaxtı Kopenhagen şəhərində səfərdə olacaq.
Milli Məclisin Mətbuat və ictimaiyyətlə əlaqələr şöbəsindən Modern.az-a verilən məlumata görə, səfər çərçivəsində Azay Quliyev ATƏT PA-nın Büro iclasında iştirak edəcək.
İclasda qurumun məsul şəxslərinin məruzələri dinlənəcək, ATƏT regionundakı ictimai-siyasi vəziyyət müzakirə olunacaq, ATƏT PA-nın fəaliyyəti haqqında məlumat veriləcək, Assambleyanın qarşıdakı 29-cu illik sessiyasının qərar və hesabat layihələrinə və digər məsələlərə baxılacaq.
İclasda ATƏT PA-nın Cənub-Şərqi Avropa üzrə xüsusi nümayəndəsi Azay Quliyev məruzə ilə çıxış edəcək.
