Bu il ölkələrimiz arasında diplomatik münasibətlərin 30 illiyini qeyd edirik. Bu səhər Siz Azərbaycan səfirliyinin yeni binasını açdınız. Bu, İtaliya ilə Azərbaycan arasında dostluq əlaqələrinin mühüm nümunəsidir.
Modern.az xəbər verir ki, bu barədə İtaliya Prezidenti Sercio Mattarella Azərbaycan Prezidenti İlham Əliyev ilə Romada keçirilən görüşündə bildirib.
“Əlaqələrimizin strateji əhəmiyyətindən xəbər verən 2020-ci ildəki səfərdən sonra Sizi burada, Kuirinale Sarayında yenidən qəbul etməkdən çox məmnunam və şərəf hissi duyuram”, - deyə Prezident Sercio Mattarella qeyd edib.
