Antibiotiklərin sui-istifadəsi çox ciddi fəsadlara gətirib çıxarır.
Modern.az xəbər verir ki, bunu Milli Məclisin Səhiyyə komitəsinin bu gün keçirilən iclasında “Dərman vasitələri haqqında” qanuna dəyişiklik layihəsinin müzakirəsi zamanı komitə sədri Əhliman Əmiraslanov deyib.
“Xaricdə buna çox ciddi nəzarət olunur. Xüsusilə də uşaqlarda antibiotiklərdən düzgün istifadə edilməməsi gələcəkdə ciddi problemlərə gətirib çıxarır. Ona görə də bu məsələyə Səhiyyə Nazirliyi ciddi nəzarət etməlidir. Bizdə bununla bağlı qanun var və qanuna ciddi riayət olunmalıdır”,- deyə o bildirib.
