“Bədxassəli beyin şişləri heç də həmişə ilkin mərhələlərdə açıq simptomlarla özünü büruzə vermir”
Modern.az xarici KİV-ə istinadən xəbər verir ki, bu sözləri onkoloq, tibb elmləri namizədi, Rusiya Tibb Elmləri Akademiyasının Klinik Onkologiya İnstitutunun baş elmi işçisi Yevgeni Çeremuşkin bildirib.
Onun sözlərinə görə, xərçəngli şişin bilinməyən əlamətləri görmə problemləri və baş ağrılarıdır.
“Baş ağrısı və başgicəllənmə xərçəng inkişafının əlamətləri ola bilər. Bu vəziyyətdə ağrı sindromu tez-tez olmalıdır, adətən fiziki güc zamanı və ya stres səbəbindən baş verir və ya güclənir. Bu cür adamlar yaddaş və konsentrasiya ilə bağlı problemlər yaşaya bilərlər. Ümumiyyətlə, o, minimal yük altında belə daha tez yorulacaq və tükənəcək. Qəfil görmə probleminin yaranması da xəstəliyin xəbərdaredici əlamətləridir”, - deyə Çeremuşkin bildirib.
