Ermənistanın keçmiş prezidenti Robert Köçəryan bu gün keçirdiyi mətbuat konfransında hazırkı baş nazir Nikol Paşinyanı ittiham edən açıqlamalar verib.
Modern.az-ın məlumatına görə, Köçəryan deyib ki, Paşinyanın sülhdən danışmağa haqqı yoxdur.
“Müharibə gətirən adamın sülhdən danışması paradoksaldır”, - Robert Köçəryan deyib.
"2018-ci ildə sülhdən danışmırdı, çünki sülh var idi, amma sülh gündəmi yox idi. Sülh olmayanda sülh gündəmi ortaya çıxır. Müharibəni gətirdi və hərəkətləri ilə 5 min itki, 11 min yaralı ilə bir sülh gündəmi yaratdı. Absurd odur ki, o, bu gündəmi təkbaşına yazmağa çalışır”, - Köçəryan qeyd edib.
