"30 mindən çox işsiz şəxsin Özünəməşğulluğun Təşkili Proqramına cəlb olunması nəzərdə tutulur".
Modern.az xəbər verir ki, bu fikirləri əmək və əhalinin sosial müdafiəsi naziri Anar Əliyev AzTV-də yayımlanan "Hədəf" proqramında sualları cavablandırarkən deyib.
Nazir vurğulayıb ki, 2017-ci ildən etibarən 100 mindən çox işsiz şəxs Özünəməşğulluğun təşkili Proqramına cəlb olunub:
"Birinci Məşğulluğa Dəstək Proqramının icrası başa çatmaq üzrədir. Bu proqram çərçivəsində 26.7 min şəxs aktiv məşğulluq tədbirlərinə, yəni Özünəməşğulluğun Təşkili Proqramına cəlb olunub. İkinci proqram isə 2025-2029-cu illəri əhatə edəcək. Proqram çərçivəsində 30 mindən çox işsiz şəxsin Özünəməşğulluğun Təşkili Proqramına cəlb olunması nəzərdə tutulur".
