ABŞ-ın İrana qarşı 100 saatdan çox davam edən "Epik Qəzəb Əməliyyatı" 2000-dən çox sursatdan istifadə edərək təxminən 2000 hədəfə zərbə endirib, İranın hava müdafiəsini ciddi şəkildə zəiflədib və yüzlərlə ballistik raket, buraxılış qurğusu və dron məhv edib.
Modern.az xəbər verir ki, bu barədə ABŞ Mərkəzi Komandanlığının komandanı Bred Kuper xarici KİV-ə bildirib.
200-dən çox qırıcı təyyarə, B-2, B-1 və B-52 bombardmançı təyyarələri dərin raket mərkəzlərinə və komandanlıq mərkəzlərinə zərbələr endirib, dəniz qüvvələri isə sualtı qayıq da daxil olmaqla 17 İran gəmisini məhv edib".
İran 500-dən çox ballistik raket və 2000-dən çox dronla cavab verib.
ABŞ-ın iki təyyarədaşıyan zərbə qrupu İranı dənizdə mühasirəyə alıb və ABŞ ilk dəfə döyüşdə PrSM uzun mənzilli ballistik raketlərindən və LUCAS kamikaze dronlarından istifadə edib.
Bred Kuper qeyd edib ki, son tarixi hələ müəyyən edilməmiş bu davam edən kampaniyada 50 mindən çox ABŞ əsgəri iştirak edir.
