Gürcüstanda Azərbaycan və Ermənistan sərhədlərinə 60 km uzunluğunda yolun çəkilməsi üçün keçirilən tender rəqabətin aşağı olması səbəbindən ləğv edilib.
Modern.az yerli KİV-ə istinadən xəbər verir ki, layihə Avropa İnvestisiya Bankı tərəfindən maliyyələşdirilməli idi.
Gürcüstan hakimiyyəti Azərbaycan və Ermənistan sərhədlərinə yolların çəkilməsi üçün keçirilən tenderləri ləğv edib.
Ölkənin yol idarəsi 2024-cü ilin yayında elan edilən müsabiqənin ləğv edilməsinin səbəbi kimi rəqabətin aşağı olmasını göstərib.
Hökumətin planlarına görə, qalib gələn təklif verən Rustavi-Tsiteli (Qırmızı Körpü) və Algeti-Sadaxlo yollarını tikməli idi. Nəqliyyat marşrutlarının ümumi uzunluğu 60 km-dən çox olmalı idi. Tenderə həmçinin 26 körpü və 11 yol qovşağının tikintisi də daxil idi.
İşlərin ötən il başlanması və 2,5 il çəkməsi planlaşdırılırdı.
Yol tikintisi dövlət büdcəsi və 250 milyon avro kredit verən Avropa İnvestisiya Bankı tərəfindən maliyyələşdirilib.
