Nərmin Müşfiq qızı Həsənli Bakı Dövlət Universitetinin (BDU) Hüquq fakültəsinin sosial məsələlər və tələbələrlə iş üzrə dekan müavini vəzifəsinə təyin edilib.
Modern.az xəbər verir ki, bu barədə BDU-nun Mətbuat xidmətindən bildirilib.
Nərmin Həsənli 2007-ci ildə Bakı Dövlət Universitetinin Hüquq fakültəsinə daxil olub və Azərbaycan Respublikası Prezidentinin 17 sentyabr 2007-ci il tarixli Sərəncamına əsasən, Prezident təqaüdünə layiq görülüb.
2011-ci ildə bakalavriat, 2015-ci ildə isə magistratura təhsil pillələrini fərqlənmə diplomu ilə başa vurub. 2013–2019-cu illərdə Ədliyyə Nazirliyində məsləhətçi vəzifəsində çalışıb. 2020-ci ildən Bakı Dövlət Universitetinin Hüquq fakültəsinin Əmək və ekologiya hüququ kafedrasında müəllim kimi fəaliyyət göstərir. Eyni zamanda, 2023-cü ildən Azərbaycan Respublikası Vəkillər Kollegiyasının üzvüdür.
