22 İyul 2020, 15:32 | Ana Səhifə - Yazılar - 22 İyuldan sonrakı gün
22 İyuldan sonrakı gün

Vüqar Tofiqli

Bu gün bizim günümüzdür. Dahi Həsən bəy Zərdabinin “Əkinçi” qəzetinin ilk sayının işıq üzü gördüyü gün. Bizim həmdə milli bayramımızdır. Xoş günümüzdür. Amma çox təəssüf ki, ürəklə bu günün sevincini yaşamamış 23 iyul tarixi gəlir. Bu həmin gündür ki, bizim üçün əziz və doğma bir şəhər erməni silahlı dəstələri tərəfindən işğal edilib. Təsadüfə bir baxın ki, Şuşanın işğal gününün səhəri İkinci Dünya müharibəsində qazanılan Qələbəni qeyd edir və iş günü olmadığı üçün özümüzü sanki daha rahat hiss edirik. Maraqlıdır, görən Allah qarşısında hansı günah sahibi olmuşuq ki, bizi hər il belə mənəvi əzab-əziyyətə qatlaşmağa məcbur edir.

***

Etiraf edim ki, Şuşanı Ağdamdan heç vaxt ayırmamışam. Mənim üçün İçərişəhər Bakı üçün necə qiymətlidirsə, necə əzizdirsə, Şuşa da Ağdam üçün elə əzizdir. Köklü şuşalıların Ağdamda, ağdamlıların isə Şuşada evləri var idi. Aralarında 35 kilometr məsafə olsa da, sanki bir gündə dünyaya gəlmişdilər. Şuşa  Ağdamdan cəmi iki yaş böyük olsa da, əzab-əziyyətə daha çox qatlaşmış, böyümüş, inkişaf etmişdi. Hələ keçmiş sovet dövründə respublika tabeli şəhərə, ümumittifaq səviyyəli kurort zonasına çevrilmişdi.

Amma Ağdam da inkişaf səviyyəsinə görə geri qalmamışdı. Şəhər regionun istisadi mərkəzinə çevrilməkdə idi. Ümumittifaq səviyyəli iki zavod, şərab emalı zavodu, taxıl məhsulları kombinatı və onlarca saysız-hesabsız müəssisələr.

Bəli, bunlar Ağdamda idi. O Ağdamdakı 27 ildir ana istəkli balasından ayrı qalan kimi, biz də şəhərimizə tamarzı qalmışıq.

***

Beləliklə, Göytəpədən  uzanan yolla Uzundərədəki dəmiryol korpüsünü keçməklə şəhərin bir addımlığında olurdun. Hər tərəfdə gözə üzüm plantasiyaları dəyirdi. Ağdamın sanki bəxti yenicə açılmışdı. Rayon pambıq əkib-becərməkdən qurtulmuşdu. Hər tərəfdə üzümlüklər uzanıb gedirdi. Allah özü  rayona bu  “çörəyi” qismət eləmişdi.  

Ətyeməzlıyə çatar-çatmaz isə  sağ tərəfdə yeni  cərgə ilə salınan kooperativ evlərin sırasından bir balaca irəli getməklə sola burulub Kötəl arxının körpüsünə çatırdın. O illərdə yolun solunda Ağdamın məşhur 50 nömrəlisi, sağında isə səksəninci illərin sonlarında açılışı keçirilən, ağdamlıların doğru-düzgün istifadə etmədiyi, hansısa təxribat nəticəsində partladılan yeni avtovağzal idi.

Bəli, elə burdaca dayanım. Çünki davamını yazdıqca kövrək hisslər sanki məni ağuşuna alıb şəhərin daha dərinlıyinə məhşur bazarına, Tələt kişinin aptekinin yanından keçməklə, ordan bir nömrəlisinə, bir azda qabaga gedib Tağı kişinin kitab mağazasını keçməklə Lenin bağına aparır. Üzbəüzdə isə fəxrimiz Xudu Məmmədovun layihəsi olan Sadıq Murtuzayevin təşəbbüsü ilə inşa edilən məşhur  “Çay evi”  və bu gün  Ağdamın yeganə “sağqalan” Məscidi…

***

Xudu Məmmədovun adını ona görə yazdım ki, Ağdam  o illərdə və sonrakı illərdə tək xanəndələri ilə tanınmırdı. Ağdam həmdə elm adamları ilə-Göyüşovlarla, Mikayılovlarla və onlarca mənim də unutduğum simalarla tanınırdı. İstər o illərdə, istərsə də indiki dövrdə, elmimizin elə sahəsi yoxdur ki, orda akademikə bərabər tutulacaq səviyyəfə professorumuz olmasın. Bu gun o ənənəni vizit kartımız, AMEA-nın müxbir üzvü, professor Rafir Əliyev dühası yaşadır. Bu sıraya mütləq şəkildə professor xanım Kübra Əliyevanı da əlavə etməyə bilmirəm. Bu arada  Kübra xanımın bəlkə özünündə unutduğu görüşdə söylədiyi bir xatirəni qeyd etməyə bilmirəm.

Əlavə edim ki, əslən Şuşalı olsalar da, Kübra xanımın  atası Muxtar Əliyevin  Ağdamın mərkəzindəki  28 Aprel küçəsində  evləri var idi. Onu da əlavə edim ki, şəhərdə iki Muxtar Əliyev adlı tanınmış sima var idi. Biri “komxoz”un müdiri, digəri isə savadı ilə sayılan seçilən texnikum müəllimi Muxtar Əliyev. Kübra xanımın atası elm adamı idi.

Nə isə, o illərdəki şəhərdə formalaşan mühitə toxunan Kübra xanım danışır ki, atam bizi tətil günlərdə Bakıya gətirər və bizi “Azdramada”kı tamaşalara baxmaga aparardı.

Bəli, bu ənənə artıq ötən əsrin 50-60-ci illərində şəhərdə hökm sürürdü.  Bu isə o demək idi ki, şəhərdə həm də teatr mədəniyyəti formalaşmışdı…

***

1993-cü ilin 23 iyul tarixi bizlər üçün unudulmayacaq bir gündür. O illərdə yaşayan hər kəsin yəqin yaxşı yadında olar. Birincisi ermənilərin şəhəri işğal etdikdən üç gün ərzində şəhərdə sərbəst hərəkətə  ürək etməmələri, bir də sonrakı günlərdəki ikigünlük sakitlik. Sanki havada bir quş uçsaydı, səsi hər tərəfə yayılardı.

*** 

Bu gün isə 2020-ci ilin iyulun 22-dir. O  ildən düz 27 il keçib. Nə qədər keçəcəyini isə Allah bilir. Arzum odur ki, bütün sahələrdə iqtisadi, sosal, siyasət meydanında qazandığımız uğurları Qarabağa kökləyək və o torpaqları silah gücünə də olsa geri qaytaraq.

Tovuz rayonundakı son təxribatdan sonra dolayısıyla doğan hadisələr göstərdi ki, BİZ BİRLİKDƏ GÜCLÜYÜK. Ancaq irəli getmək üçün bütün sahələri öyrəndiyimiz kimi erməni siyasətini də dərindən öyrənib onlara qarşı istifadə etməyi də öyrənməliyk. Vaxt yetişib.

Allah bizə Ağdamın, Şuşanın və bütün Qarabağın  güllü-çiçəkli xoşbəxt günlərini görməyi qismət eləsin!!!

AMİN!!! 

MÜƏLLİFİN DİGƏR YAZILARI
Polis əməkdaşı xidməti silahla özünü güllələdi 21 İyun 2021, 19:57 Şuşa Bəyannaməsi tarixi əhəmiyyətli sənəddir 21 İyun 2021, 19:40 ÜGT Siyasi Komissiyasının sessiyası keçirilir - FOTO 21 İyun 2021, 19:33 Peyvənd-Sağlamlığımız öz əlimizdədir 21 İyun 2021, 19:25 Deputat AŞPA-nın iclasında azad olunmuş ərazilərin vəziyyətindən DANIŞDI 21 İyun 2021, 19:17 “Şuşa Bəyannaməsi” Azərbaycan-Türkiyə münasibətlərində yeni səhifə açır 21 İyun 2021, 19:08 Əli Əsədov Qazaxıstan baş nazirinin müavini ilə görüşüb 21 İyun 2021, 19:00 Şəkidə biçilməmiş taxıl sahəsi yanıb 21 İyun 2021, 18:53 Şəhid ailəsi və qazinin evinə qaz verildi 21 İyun 2021, 18:49 MEDİA-nın Aljazeera Media İnstitutu ilə əməkdaşlığı müzakirə olundu - FOTO 21 İyun 2021, 18:39 Azərbaycan və Pakistan birgə təlimlər keçirəcək - FOTO 21 İyun 2021, 18:21 Deputat səfirlə Azərbaycan-Misir münasibətlərini müzakirə etdi 21 İyun 2021, 18:07 YAP hesabat konfranslarına start verdi 21 İyun 2021, 18:02 Füzulidə 3 hərbçinin qalıqları aşkar olundu 21 İyun 2021, 17:58 Bahar Muradovadan Paşinyanın qələbəsinə REAKSİYA 21 İyun 2021, 17:57 Avropa İttifaqından Paşinyana TƏBRİK 21 İyun 2021, 17:52 Son sutkada 215 nəfərə vaksin vurulub 21 İyun 2021, 17:47 Yoluxma minimuma düşdü - 1 nəfər öldü 21 İyun 2021, 17:41 Azərbaycanlı deputat AŞPA-da Ermənistana təzyiq göstərməyə ÇAĞIRDI 21 İyun 2021, 17:37 Türkiyəli deputat Paşinyanı təbrik etdi 21 İyun 2021, 17:36 Daha Azərbaycan-Türkiyə qardaşlığının qarşısını heç bir qüvvə ala bilməz - Deputat 21 İyun 2021, 17:28 Baş nazir “Azərbaycan dilinin orfoepiya normaları”nı təsdiqlədi 21 İyun 2021, 17:16 BMT-nin qarşısında azərbaycanlı jurnalistlər yad edilib 21 İyun 2021, 17:13 Gürcüstan baş naziri Nikol Paşinyanı təbrik etdi 21 İyun 2021, 17:04 Ölkədə anomal istilər gözlənilir - XƏBƏRDARLIQ 21 İyun 2021, 16:58 Azərbaycanlı həkim:Danimarkalı futbolçunun ürəktutmasına COVID-19 səbəb olub” 21 İyun 2021, 16:56 Rusiya erməniləri seçkilərin nəticəsini qəbul etmədi 21 İyun 2021, 16:55 Paşinyanın qələbəsi: nələr gözlənilir? - TƏHLİL 21 İyun 2021, 16:46 Azərbaycan vətəndaşlığına qəbul edilənlər and içdilər - FOTOLAR 21 İyun 2021, 16:42 Lavrov Ermənistandakı seçkilərin Qarabağ danışıqlarına təsirindən DANIŞDI 21 İyun 2021, 16:34 Azərbaycana gələn əcnəbidə COVID-19 AŞKARLANDI 21 İyun 2021, 16:25 Canavar çox ziyankar və qorxaq heyvandır 21 İyun 2021, 16:23 Azərbaycanda yeni nəsil texnologiyalarla bağlı araşdırma mərkəzi yaradıldı 21 İyun 2021, 16:15 Vasif Əliyev: “İkirəqəmli yoluxmalar 2-3 ay da davam edərsə...” 21 İyun 2021, 16:07 Azərbaycan və Qazaxıstan XİN başçılarının görüşünün TƏFƏRRÜATI 21 İyun 2021, 15:58
SORĞU AVRO-2020-nin qalibi hansı komanda olacaq?