Ukraynada xüsusi hərbi əməliyyatın birinci mərhələsinin əsas məqsədlərinə nail olunub, Ukrayna silahlı qüvvələri xeyli itki verib.
Modern.az xəbər verir ki, bu barədə Rusiyanın müdafiə naziri, ordu generalı Sergey Şoyqu bildirib.
"Ukrayna Silahlı Qüvvələri əhəmiyyətli itkilər verib. Hava üstünlüyünə nail olunub. Hərbi Hava Qüvvələri və hava hücumundan müdafiə sistemi praktiki olaraq məhv edilib”, - deyə müdafiə naziri vurğulayıb.
General Ukrayna ordusunun döyüşlər başlayana qədər sahib olduğu 152 təyyarəsindən 123-nün vurulduğunu diqqətə çatdırıb.
