Türkiyənin Bursa şəhərindəki Yunuseli hava limanı yaxınlığında təkmühərrikli təyyarə qəzaya uğrayıb.
Modern.az NTV-yə istinadən xəbər verir ki, yaşayış məhəlləsinə düşən təyyarə yanmağa başlayıb.
Alov yanğınsöndürmə briqadaları tərəfindən dərhal söndürülüb.
İlkin məlumata görə, hadisə nəticəsində pilot və tələbəsi həlak olub. Qəzanın səbəbi hələlik məlum deyil. Hadisə ilə əlaqədar araşdırma aparılır.
