ABŞ Ukraynaya 31 ədəd "Abrams" tankı göndərəcək.
Modern.az xəbər verir ki, bu barədə "Financial Times" qəzetində məqalə dərc edilib.
Yeni tanklar Ohayo ştatında Amerikanın "General Dynamics" şirkəti tərəfindən istehsal olunacaq. Şirkət ayda təxminən 12 tank istehsal edə bilər.
Nəşr yazır ki, "Abrams" intensiv texniki xidmət tələb etdiyinə görə xarici ordular üçün ideal texnika deyil.
Tank üçün ABŞ-dan böyük miqdarda ehtiyat hissələrin daimi tədarükü lazımdır. "Abrams" reaktiv yanacaqla işləyir və bu yanacağı əldə etmək dizeldən daha çətindir.
Akif İsmayılov
