Almaniyada Ədliyyə Nazirliyi uşaq pornoqrafiyasına görə cəzanın yumşaldılması təşəbbüsü ilə çıxış edib.
Modern.az xəbər verir ki, bu barədə "Bild" yazıb.
2021-ci ildə Almaniyanın ozamankı ədliyyə naziri Kristina Lambrext uşaq pornoqrafiyasının yayılması, alınması və saxlanması ilə bağlı Almaniya Cinayət Məcəlləsinin 184b maddəsini sərtləşdirməyə nail olub. Bu, cinayətdən ağır cinayətə çevrilib və minimum cəza artırılıb.
Yeni nazir Marko Buşman isə bu maddəni cinayətlər kateqoriyasına qaytarmaq istəyir. Bununla belə, maksimum cəza eyni qalacaq - 10 ilə qədər həbs. Müvafiq qanun layihəsi yaxın vaxtlarda Nazirlər Kabinetinin təsdiqinə təqdim olunacaq.
Buşman bildirib ki, bu, bütün ölkə üzrə vəkillər, prokurorlar və hakimlərin tələbidir. Təcrübədə onlar müəllimlərin və ya valideynlərin uşaq telefonlarında uşaq pornoqrafiyası sayıla biləcək videolar tapıb polisə təhvil vermələri ilə üzləşirlər.
Almaniya Hakimlər Assosiasiyasının rəhbəri Sven Raeben isə nəşrə bildirib ki, o, cəzanın yüngülləşdirilməsini alqışlayır, çünki məhkəmələr hazırda “həqiqətən cinayət sayılmayan” işlərlə doludur. Bavariyanın ədliyyə naziri Georg Eisenreix də onunla razılaşıb.
Lakin alman uşaq hüquqları müdafiəçiləri Ədliyyə Nazirliyinin planlarını tənqid ediblər.
