"Biz ikinci Pörl-Harboru gözləyə bilmərik".
Modern.az xəbər verir ki, bunu ZDF televiziyasına müsahibəsində Litvanın xarici işlər naziri Qabrielius Landsbergis deyib.
O xəbərdarlıq edib ki, Rusiya hər an hücum edə bilər. Nazir Rusiyanın NATO ölkələrinə gözlənilməz hücumundan qorxduğunu bildirib: "Bizim NATO-nun gücünü sınamaq niyyətində olan çox aqressiv qonşumuz var. Buna hazırlaşmalıyıq".
Onun sözlərinə görə, Rusiyadan təhlükə bütün istiqamətlərdən - cənubdan, şimaldan, şərqdən və qərbdən gəlir. Landsbergis qətiyyətlə Qərbin Ukraynaya gələcək hərbi yardımını və xüsusən də TAURUS uzaqmənzilli qanadlı raketlərin tədarükünə çağırıb.
"Ukraynaya TAURUS strateji səbəblərə görə lazımdır. Rusiyanı məğlub etmək lazımdır", - o deyib.
Nazir həmçinin əlavə edib ki, Almaniyanın Ukraynaya tədarük edə biləcəyi güclü texnikası var.
