Rusiya Xarici Kəşfiyyat Xidmətinin direktoru Sergey Narışkin və ABŞ Mərkəzi Kəşfiyyat İdarəsinin direktoru Con Retkliff arasında telefon danışığı olub.
Modern.az xarici KİV-ə istinadən xəbər verir ki, kəşfiyyat şefləri Moskva və Vaşinqton arasında qarşıdurmanı azaltmaq üçün rəhbərlik etdikləri qurumlar arasında müntəzəm təmaslar barədə razılığa gəliblər.
Bildirilir ki, söhbət zamanı iki xüsusi xidmət orqanının ümumi maraq doğuran sahələrdə qarşılıqlı fəaliyyəti və böhranlı vəziyyətlərin həlli məsələləri müzakirə olunub.
