Azərbaycan və Ermənistan arasında sülh sazişinin mətni üzrə danışıqların yekunlaşması Cənubi Qafqaz üçün mühüm mərhələdir.
Modern.az xəbər verir ki, bu barədə AK Partiya sözçüsü Ömer Çelik bildirib.
O qeyd edib ki, bundan sonra Azərbaycana qarşı ərazi iddialarını nəzərdə tutan qanunların və ya konstitusiya maddələrinin dəyişdirilməsi Ermənistan üçün də vacib olacaq.
Sözçü həmçinin bildirib ki, ATƏT-in Minsk Qrupu artıq ləğv edilməlidir.
Ö.Çelik onu da qeyd edib ki, Minsk Qrupunun missiyası daha faktiki olaraq yoxdur.
Qeyd edək ki, Azərbaycan və Ermənistan Xarici İşlər Nazirlikləri martın 13-də bəyanat yayaraq, Azərbaycan və Ermənistan arasında sülh və dövlətlərarası münasibətlərin qurulması haqqında Saziş layihəsinin mətni üzrə danışıqların yekunlaşdığını bildirib.
