Ermənistan polis komandiri Hayk Babayan tutduğu vəzifədən azad edilib.
Modern.az xəbər verir ki, müvafiq sərəncamı Ermənistan Prezidenti Vaaqn Xaçaturyan imzalayıb.
“Prezidentin sərəncamı ilə general-mayor Hayk Babayan polis qüvvələrinin komandanı və polis rəisinin müavini vəzifələrindən azad edilib”, - deyə sərəncamda bildirilir.
Babayan bu vəzifəni 2020-ci ilin noyabrından tuturdu.
KİV-in məlumatına görə, Babayan bu il noyabrın 1-dən qüvvəyə minəcək polis mühafizəsinin rəisi təyin olunacaq.
