Suriyanın şimalındakı kürd qüvvələrinin komandanı Mazlum Abdi PKK terror təşkilatının lideri Abdullah Öcalanla görüşmək istəyir.
Modern.az Türkiyə mətbuatına istinadən xəbər verir ki, o, bəzi problemlərin həlli üçün İmralı adasıda həbsdə olan Öcalanla birbaşa dialoqa ehtiyac olduğunu bildirib.
Mazlum Abdi zərurət yaranacağı halda özü də Türkiyəyə gedə biləcəyini deyib.
“Əgər bu, problemin həllinə töhfə verəcəksə, niyə getməyək? Müsbət baxırıq”, – o bildirib.
Abdi Suriya daxilində PKK üzvləri ilə bağlı bəzi məsələlərin yalnız Abdullah Öcalan tərəfindən həll oluna biləcəyini söyləyib. Onun sözlərinə görə, hazırda kürd qüvvələri ilə Öcalan arasında məktublar vasitəsilə fikir mübadiləsi aparılır.
