Türkiyə prezidenti Rəcəb Tayyib Ərdoğan ABŞ-ın Venesuela prezidenti Nikolas Maduroya Türkiyəyə getmək imkanı təklif etməsi ilə bağlı xəbərləri təkzib edib.
Modern.az xəbər verir ki, bu barədə TRT məlumat yayıb.
"Bizə belə bir məlumat gəlməyib; belə bir şey olmayıb", - deyə Ərdoğan bildirib.
Xatırladaq ki, "The New York Times" (NYT) qəzeti 23 dekabrda Amerika hakimiyyətinin Maduroya ölkəsini tərk edib Türkiyəyə getmək imkanı təklif etdiyini, lakin Venesuela liderinin "planı qəzəblə rədd etdiyini" bildirib.
