ABŞ dünya bazarında Venesuela neftinin satışına başlayıb.
Modern.az xəbər verir ki, bu barədə ABŞ Energetika Nazirliyi məlumat yayıb.
Bildirilib ki, bu addım həm ABŞ-nin, həm də Venesuelanın, eləcə də ABŞ-nin müttəfiqlərinin maraqlarını nəzərə alır: "Satışın maliyyə dəstəyi üçün aparıcı dünya tədarükçüləri və əsas banklar cəlb olunub. Satışdan əldə olunan vəsait ABŞ tərəfindən idarə olunan beynəlxalq hesablar vasitəsilə yönləndiriləcək. Bu gəlirlər ABŞ və Venesuela xalqının xeyrinə paylanacaq. Təxminən 30–50 milyon barrel neftin satışı gözlənilir və proses qeyri-müəyyən müddət davam edəcək".
Vurğulanıb ki, ABŞ Venesuelaya yüksək viskozlu xam neftin qarışdırılması üçün yüngül neft göndərəcək və neftin idxalı-ixracı yalnız qanuni və icazəli kanallarla həyata keçiriləcək.
"Eyni zamanda, müəyyən neft avadanlığı və xidmətlərin idxalına icazə verilərək istehsalın artırılması və texnologiya, ekspertiza və investisiyaların cəlb olunması təmin ediləcək", - məlumatda qeyd edilib.
