Avropa İttifaqının Xarici İşlər və Təhlükəsizlik Siyasəti üzrə Ali Nümayəndəsi Kaya Kallas alkoqol içkilərlə bağlı zarafat edib.
Modern.az Politico-ya istinadən xəbər verir ki, o, Avropa parlamentinin üzvləri ilə mövcud vəziyyəti müzakirə edərkən qlobal qeyri-sabitlik fonunda alkoqolun rolu barədə yumoristik bir fikir söyləyib.
Nəşrin məlumatına görə, Avropa Parlamentinin siyasi qruplarının liderləri ilə söhbət zamanı Kallas bildirib ki, şəxsən həddindən artıq alkoqol istehlakının tərəfdarı olmasa da, qlobal səhnədəki hadisələr içki içmək barədə düşünmək üçün ən yaxşı vaxtdır.
