İrana qarşı hərbi əməliyyat qaçılmazdır.
Modern.az xəbər verir ki, bu barədə ABŞ-ın yüksək vəzifəli rəsmiləri bildiriblər.
"Hücum baş verəcək, bu yalnız zaman məsələsidir. ABŞ hərəkətə hazırdır".
Mövcud məlumata görə, İsrail ordusu ABŞ-ın hər hansı bir hücumu halında potensial İran cavab zərbəsinə qarşı durmaq üçün yüksək hazırlıq vəziyyətindədir.
Bu fonda ABŞ Yaxın Şərqdə öz zərbə qüvvəsini sürətlə artırır. USS Abraham Lincoln (CVN-72) təyyarədaşıyan gəmisi yanvarın 25-də ABŞ Mərkəzi Komandanlığının məsuliyyət zonasına çatması gözlənilir. Beləliklə, yanvarın 25-dən etibarən rəsmi Vaşinqton Tehrana zərbə endirmək üçün tam hazır vəziyyətdə olacaq.
Gəldikdən sonra, təyyarədaşıyan gəminin zərbə qrupu, lazımi logistik dəstək mövcud olduğu təqdirdə, adətən hava hücumları və ya digər əməliyyatlar aparmaq üçün döyüş hazırlığı vəziyyətindədir.
Həftənin ortalarında "The New York Times" qəzeti öz mənbələrinə istinadən xəbər verdi ki, Donald Tramp İrandan əlavə addımlar gözləyir, ballistik raket buraxıcılarına və ya İranın daxili təhlükəsizlik qüvvələrinə zərbələr endirməyi düşünür.
