Yaponiyada növbədənkənar parlament seçkiləri keçirləcək.
Modern.az xəbər verir ki, “Reuters” agentliyinin məlumatına görə, bu barədə Yaponiyanın Baş naziri Sanae Takaiçi bildirib.
Onun sözlərinə görə, hökumət xərclərinin artırılması, vergi endirimləri və Yaponiyanın müdafiə qabiliyyətinin güclənməsini sürətləndirəcəyi gözlənilən yeni təhlükəsizlik strategiyası üçün seçici dəstəyini təmin etmək məqsədilə 8 fevralda növbədənkənar seçki təyin edəcək.
Takaiçi deyib: "Bu seçkilərdə mən baş nazir kimi siyasi gələcəyimi təhlükəyə atıram. İstəyirəm ki, ictimaiyyət ölkəni idarə etmək üçün mənə etibar edib-etməyəcəyini özü müəyyənləşdirsin".
Növbəti seçkilər parlamentin aşağı palatasındakı bütün 465 yerin qalibini müəyyən edəcək. Bu, Takaiçi üçün oktyabr ayında Yaponiyanın ilk qadın baş naziri olduqdan bəri ilk seçki sınağı olacaq.
Növbəti seçkilərin keçirilməsi ona hakim Liberal Demokrat Partiyasındakı mövqeyini gücləndirmək və koalisiyasının kövrək çoxluğunu möhkəmləndirmək üçün güclü ictimai dəstəkdən istifadəyə imkan verəcək.
