Fevral ayında Avstriyada keçirilməsi planlaşdırılan Yepiskoplar Şurasının toplantısında Erməni Apostol Kilsəsinin rəhbəri II Qareginin də iştirakı gözlənilir. Lakin bütün ermənilərin katalikosunun Avstriyaya səfəri baş tutmaya da bilər.
Modern.az Ermənistan KİV-nə istinadən xəbər verir ki, hökumətin II Qareginə “sürpriz” edə biləcəyi gözlənilir.
Katolikosa qarşı cinayət işi başlanıb: o, vəzifə səlahiyyətlərindən istifadə edərək məhkəmə qərarını yerinə yetirməməkdə ittiham olunur.
Cinayət işi Masyatsotn yeparxiyasının keçmiş rəhbəri yepiskop Gevorqun (Saroyan) vəzifəsindən azad edilməsi əsasında açılıb. Vəkillərin yeparxiya rəhbərinin katolikosa əmək müqaviləsi ilə deyil, andla bağlı olduğuna dair israrları hüquq-mühafizə orqanları tərəfindən ciddi qarşılanmayıb.
Katolikosu Gevorq Saroyanı yeparxiya rəhbəri vəzifəsinə bərpa etməyə məcbur edən məhkəmə qərarı olsa da, o icra olunmadığı üçün cinayət işi başlanıb.
Hakimiyyət orqanları bildirirlər ki, bu iş katolikosa səyahət qadağası üçün yol açır.
