İran hakimiyyəti İslam Respublikasında yanvar ayında baş verən iğtişaşları dəstəkləmək ittihamı ilə islahatçı Xalq Birliyi Partiyasının üzvü Əli Şəkuri-Rədi həbs edib.
Modern.az xəbər verir ki, bu barədə Fars Agentliyi məlumat yayıb.
"Təxribatçı və təşviqat qrupunun fəaliyyətini yatırmaq üçün davam edən kampaniyanın bir hissəsi olaraq, Xalq Birliyi Partiyasının mərkəzi şurasının üzvü Əli Şəkuri-Rəd məhkəmə qərarı ilə həbs edilib", - xəbərdə deyilir.
Agentlik bundan əvvəlki xəbərlərində yanvar etirazlarını dəstəklədiklərinə görə bir neçə siyasi xadimin saxlanıldığını bildirmişdi; onlar İsraili, ABŞ-ı və "terrorçu fəaliyyəti" dəstəkləməkdə ittiham olunurlar.
İranda etirazlar 2025-ci ilin dekabr ayının sonlarında milli valyutanın devalvasiyası səbəbindən başlamış, lakin sonradan iğtişaşlara və hökumətə qarşı etirazlara çevrilmişdi.
İran hakimiyyəti 2026-cı il yanvarın 12-də vəziyyətin nəzarət altına alındığını elan etmişdi.
