Rusiya Təhlükəsizlik Şurasının katibi Sergey Şoyqu Ermənistana xəbərdarlıq edib.
Modern.az xəbər verir ki, o baş naziri Nikol Paşinyanın Rusiyanın balansında olan Ermənistan dəmir yollarını hər iki ölkəyə dost üçüncü tərəfə satması barədə təklifini pisləyib.
Şoyqu Ermənistan hakimiyyətinin istəyini "pis düşünülmüş" bir qərar adlandırıb və belə bir addım atılacağı təqdirdə, mövcud sistemin bir gecədə çökə biləcəyini bildirib.
“Digər ölkələrin səriştəsini qiymətləndirməyəcəyəm. Amma əminliklə Ermənistanda uzun müddətdir ki, ən çətin şərtlərdən uzaqda effektiv şəkildə fəaliyyət göstərən Rusiya dəmir yolu daşıyıcısını tamamilə əvəz edə biləcək başqa bir şirkətin olması ehtimalı azdır deyə bilərəm. Dəmir yolunun idarəetmə sistemi təxminən iyirmi ildir qurulub və bir gecədə çökə bilər. Təbii ki, heç bir “dost ölkə” bunun məsuliyyətini öz üzərinə götürməyəcək. Ümid edirəm ki, Ermənistan hakimiyyəti vacib qərarlar qəbul edərkən yalnız vətəndaşlarının maraqlarından çıxış edəcək”, - deyə Sergey Şoyqu qeyd edib.
