Yunanıstanın müdafiə naziri Nikos Dendias yeni silah tədarükü doktrinasını təqdim edib.
Modern.az xəbər verir ki, doktrinanın əsas məqsədi Yunanıstanın satın aldığı əsas silah sistemlərinin gələcəkdə yazılı və hüquqi zəmanət olmadan Türkiyəyə satılmamasına nail olmaqdır.
Bu qərara səbəb isə Almaniyanın həm Yunanıstana, həm də Türkiyəyə eyni tip sualtı qayıqları satması olub. Bu vəziyyət Afinada ciddi narahatlıq yaradıb və silah ixracı siyasətinə dair daha sərt təminatlar tələb olunmasına səbəb olub.
Yəni eyni platformaların Ankaraya satışının qarşısını alan yazılı təminat istəniləcək.
