Rəqəmsal platformaların reklam bazarına hakim olması ilə botların yaratdığı "saxta məlumatlar" qalmaqalı qlobal böhrana çevrilib.
Modern.az xəbər verir ki, 740 milyard dollarlıq qlobal reklam həcminin təxminən 9%-ni təşkil edən "yanlış trafik" dərc olunmuş hesabatlara görə 63 milyard dollar itkiyə səbəb olur.
Sistemdə hər 12 klikdən birinin proqram təminatı botları tərəfindən edildiyi aşkarlanıb. Beləliklə də, reklamçıların büdcələri azalır və mütəxəssislər bu "saxta oyun"un artıq milli təhlükəsizlik məsələsinə çevrildiyi barədə tənqidi xəbərdarlıqlar edirlər.
