İtaliyanın Milan şəhərində tramvay relsdən çıxaraq binaya çırpılıb.
Modern.az xəbər verir ki, qəza nəticəsində 1 nəfər ölüb, 39 nəfər yaralanıb.
Hadisə yerli vaxtla saat 16:00 radələrində baş verib. Yaralılara hadisə yerində tibbi yardım göstərilib, əraziyə bir neçə təcili yardım briqadası cəlb olunub.
Tramvayın relsdən çıxma səbəbi hələlik məlum deyil. Yerli KİV-lər hadisənin dönüş zamanı yüksək sürət səbəbindən baş verə biləcəyini yazır. (HaberGlobal)
