“Siz tezliklə elektrik stansiyaları ilə bağlı ultimatumun nə ilə nəticələnəcəyini görəcəksiniz. Nəticə çox yaxşı olacaq”.
Modern.az xəbər verir ki, bu sözləri ABŞ Prezidenti Donald Tramp İsrailin 13-cü kanalına müsahibəsində deyib. O, bildirib ki, İran tamamilə məhv ediləcək. ABŞ lideri İranın 47 ildir ki, çox pis davrandığını və indi bunun cəzasını çəkdiyini qeyd edib.
Tramp, həmçinin Hörmüz boğazında sərbəst gəmiçiliyin təmin edilməsi məsələsində NATO üzvlərindən narazılığını bir daha diqqətə çatdırıb.
“NATO ölkələri heç nə etmir, bu, çox utancvericidir”, - o deyib.
