7 apreldə Rusiya və Çin Hörmüz boğazının açılması üçün İrana qarşı güc tətbiq edilməsini tələb edən qətnamənin qəbul edilməsinə mane olublar. Onlar BMT Təhlükəsizlik Şurasına çıxarılan qətnaməyə veto qoyublar.
Modern.az xəbər verir ki, bu barədə "Associated Press" аgentliyi məlumat verib.
Nəticədə Təhlükəsizlik Şurasının 15 üzvündən 11-i qətnamənin qəbulunun lehinə səs verib. Daha 2 ölkə — Pakistan və Kolumbiya səsvermədə bitərəf qalıb.
Agentliyin qeyd etdiyinə görə, sənədin mətni dəfələrlə dəyişdirilib ki, Moskva və Pekini də bitərəf qalmağa məcbur etsinlər.
Qətnamə layihəsi Təhlükəsizlik Şurasına sədrlik edən Bəhreyn tərəfindən, Körfəz ölkələrinin dəstəyi ilə hazırlanıb. Sənədin ilkin variantı ölkələrə Hörmüz boğazından tranziti təmin etmək və onun bağlanmasının qarşısını almaq üçün “bütün zəruri vasitələrdən” istifadə etməyə icazə verirdi. Bu ifadə hərbi əməliyyatları da nəzərdə tutur.
Əvəzində Rusiya və Çin BMT Təhlükəsizlik Şurasına Yaxın Şərqlə bağlı öz qətnamə layihələrini təklif ediblər.
