40 günlük müharibə zamanı İran və Livandan atılan minlərlə raket və mərmi İsrailə ciddi ziyan vurub.
Modern.az xəbər verir ki, bu barədə İsrailin “Ynet” portalının məlumatında bildirilib.
Qeyd edilib ki, bu hücumlar zamanı İsraildə ölənlərin sayı 42-yə çatıb.
İranın birbaşa zərbələri nəticəsində 22 nəfər, döyüşdə 12 əsgər, bir mülki şəxs İsrail ordusunun öz atəşi nəticəsində ölüb. Daha 7 nəfər müharibə ilə əlaqəli qəzalarda və ya tibbi hadisələrdə həlak olub.
“The Times of Israel” qəzetinin məlumatına görə, Səhiyyə Nazirliyi müharibənin əvvəlindən bəri 7451 nəfərin xəstəxanaya yerləşdirildiyini bildirib.
Yaralılar arasında həm əsgərlər, həm də mülki şəxslər var.
