Sumqayıtda maşının şüşələri sındırılaraq, içərisindəki əşyalar oğurlanıb.
Modern.az xəbər verir ki, bu barədə jurnalist Səbuhi Vaqifoğlu sosial şəbəkə hesabında paylaşım edib.
O bildirib ki, hadisə Sumqayıtın Səməd Vurğun küçəsində yerləşən “Turan” restoranının yaxınlığında baş verib:
“Yarım saat sonra restoranın ofisiantı yaxınlaşdı ki, maşını yarıblar. Maşından əl çantası, içərisində təxminən 1500 manat pul, bank kartları, şəxsiyyət, sürücülük vəsiqəsi və digər sənədlər oğurlanıb. Yaxınlıqda kamera da var. Hüquq-mühafizə orqanlarına müraciət etmişik”.
