DİN-in Kibercinayətkarlıqla Mübarizə Baş İdarəsi tərəfindən “7isles”, “fastloto.com” və “chcplay.net” kimi saytlarla, sosial şəbəkələrdə “Ambassador”, “Kazino 555”, “VIP 888”, “Shangrila” adlı səhifələr vasitəsilə vətəndaşları qumar və mərc oyunlarına cəlb edən şəxslər ifşa olunublar.
Modern.az xəbər verir ki, bu barədə Daxili İşlər Nazirliyi məlumat yayıb.
Əməliyyatlar zamanı saxlanılanlar:
42 yaşlı Həsən Səbili,
33 yaşlı Orxan İbrahimli,
28 yaşlı Taleh Ağayarov,
36 yaşlı Salman Cəfərov,
35 yaşlı Rauf Hüseynov.
Onlar xaricdə yaradılmış “7isles”, “fastloto.com”, “chcplay.net” kimi saytlarla əlbir olaraq sosial şəbəkələrdə “Kazino 555”, “VIP 888”, “Ambassador” və “Shangrila” səhifələri üzərindən vətəndaşları mərc və qumar oyunlarına cəlb ediblər.
Axtarış zamanı bank kartları, mobil nömrələr, kompüter avadanlıqları və digər elektron sübutlar aşkarlanıb. Müəyyən edilib ki, bu vasitələrlə qanunsuz pul köçürmələri və kiberdələduzluq əməliyyatları həyata keçirilib.
Faktlarla bağlı Baş İdarədə Cinayət Məcəlləsinin müvafiq maddələri ilə cinayət işləri açılıb.
