Dekabrın 9-u axşam saatlarında Qusar rayonunun Hil kəndi ərazisində ağır yol-nəqliyyat hadisəsi baş verib.
Modern.az xəbər verir ki, "ZİL" markalı yük maşını ilə “VAZ 2107” markalı minik avtomobilinin toqquşması nəticəsində 4 nəfər ağır xəsarət alıb.
Yaralılar Qusar Rayon Mərkəzi Xəstəxanasının Təcili və Təxirəsalınmaz Tibbi Yardım şöbəsinə yerləşdiriliblər. Onlardan 3-ü kişi, 1-i qadındır.
Yaralıların vəziyyəti orta ağır qiymətləndirilir, onların müalicəsi davam etdirilir.
Faktla bağlı araşdırma aparılır.
