Beynəlxalq Olimpiya Komitəsi (BOK) transgender idmançıların iştirakı ilə bağlı dünya üzrə idman rəhbərləri arasında yeni uyğunluq meyarları barədə razılıq əldə olunduğunu açıqlayıb.
Modern.az xəbər verir ki, yeni qaydaların bu ilin ilk yarısında təqdim ediləcəyi gözlənilir.
Bu, BOK və beynəlxalq federasiyalar tərəfindən qəbul ediləcək ilk vahid yanaşma olacaq və Olimpiya Oyunları da daxil olmaqla bir çox beynəlxalq yarışlara şamil ediləcək.
Qaydalar tam kişi cinsi yetkinliyini keçmiş və sonradan tibbi keçid edən transgender idmançıların qadın kateqoriyasında iştirakını ciddi şəkildə məhdudlaşdıracaq.
BOK bildirir ki, “qadın kateqoriyasının qorunması” əsas islahat istiqamətlərindən biridir və yeni siyasət yaxın aylarda qüvvəyə minəcək.
