Sabah futbol üzrə Azərbaycan millisi "FIFA Series – 2026" beynəlxalq turniri çərçivəsində Sent Lüsiya yığması ilə qarşılaşacaq.
Modern.az xəbər verir ki, Mehdi Hüseynzadə adına Sumqayıt şəhər stadionunda təşkil olunacaq görüşü Gürcüstandan olan hakimlər briqadası idarə edəcək.
Bu, millinin 2026-ci ildə ilk oyunudur. Oyundan öncə keçirilən mətbuat konfransında baş məşqçisi Ayxan Abbasov bildirib ki, oyunçular yaxşı əhvali-ruhiyyədədir:
"Bizim üçün yad komandalar olsalar da, onlar haqqında oyunçulara məlumat vermişik. Futbolçular meydanda əllərindən gələni edəcəklər".
Qeyd edək ki, martın 27-də Mehdi Hüseynzadə adına Sumqayıt şəhər stadionunda keçiriləcək qarşılaşma saat 19:00-da start götürəcək.
