Lənkəranda təşkil olunan “Lenkeran Cup” açıq birinciliyi uğurla başa çatıb.
Modern.az xəbər verir ki, 400 idmançının qatıldığı yarışda Dojo Sports Academy-nin yetirməsi Məcidli Murad 34 kiloqram çəki dərəcəsində bütün rəqiblərini məğlub edərək fəxri kürsünün ən yüksək pilləsinə qalxıb və qızıl medal qazanıb.
Turnirdə yüksək nəticə göstərən Dojo Sports Academy komandası ümumilikdə 7 qızıl, 3 gümüş və 2 bürünc medal əldə edərək yarışı uğurla tamamlayıb.
