Xoşqədəm Hidayətızının ARB telekanalında yayımlanan "Səni axtarıram" verilişinin fəaliyyəti dayandırılıb.
Məlumatı Modern.az-a açıqlamasında telekanalın mətbuat xidmətinin rəhbəri Mail Əsgərov təsdiqləyib.
"ARB-nin daxili qaydalarına əsasən, Xoşqədəm Hidayətqızının müəllifi olduğu "Səni axtarıram" və Zaur Kamalın aparıcılığını etdiyi "Həmin Zaur" verilişlərinin fəaliyyətləri dayandırılıb", - M.Əsgərov deyib.
O, Xoşqədəm Hidayətqızının müəllifi olduğu "Səni axtarıram" verilişinin reytinqinin normal olduğunu da qeyd edib.
M.Əsgərov bağlanan verilişlərin əməkdaşlarının sonrakı taleyi, harada işləyəcəkləri barədə məlumatlı olmadığını bildirib. O bu barədə məlumat olacağı təqdirdə ictimaiyyətə məlumat veriləcəyini söyləyib.
Xatırladaq ki, ATV telekanalında yayımlanan "Rəngarəng" və "Bizimləsən" verilişlərinin də fəaliyyətləri dayandırlıb.
