Yasamal rayonu ərazisində piyadanın vurulması ilə nəticələnən yol-nəqliyyat hadisəsi baş verib.
Daxili İşlər Nazirliyinin mətbuat xidmətindən Modern.az saytına verilən məlumata görə, hadisə aprelin 8-də saat 18 radələrində Yasamal rayonunun A.Şərifzadə küçəsində qeydə alınıb.
Belə ki, Bakı şəhər sakini Aslan Məmmədov idarə etdiyi “Daewoo” markalı avtomobillə (18 saylı xətt avtobusu) yolu keçən və qucağında 4-5 yaşlı qız uşağı olan 25-30 yaşlı qadını vurub. Xəsarət alanlar xəstəxanaya yerləşdirilib.Yasamal RPİ tərəfindən əməliyyat-axtarış tədbirləri aparılır.
Gülşən RAUFQIZI
