Rusiyanı “Eurovision-2016 “ musiqi yarışmasındakı nümayəndəsi, 33 yaşlı Sergey Lazarev Stokholmdakı parklardan birində Azərbaycanın bu müsabiqədə təmsilçisi, 21 yaşlı qarayanız Səmra Rəhimli ilə birgə görünüb.
Modern.az xarici KİV-ə istinadən bildirir ki, Lazarev azərbaycanlı gənc gözəllə müsabiqə iştirakçılarının ənənəvi meet & greet dostluq görüşündə rastlaşıb və dərhal ona qarşı simpatiyası yaranıb. Məlum olub ki, Səmra Lazarev yaradıcılığının çoxdankı pərəstişkarıdır. Üstəlik, gənc insanları itlərə məhəbbəti birləşdirir.
Məlumatda qeyd edilir ki, Səmra finalda Sergeyə azarkeşlik edəcəyinə söz verib, ayrılanda isə gənclər hətta qucaqlaşıb öpüşüblər, qərara gəliblər ki, müsabiqədən sonra artıq daha sərbəst mühitdə görüşsünlər.
Modern.az
