YAP-ın Nəsimi rayon təşkilatı 8 mart Beynəlxalq Qadınlar günü münasibətilə 1 saylı Ruhi-Əsəb Xəstəxanasında müalicə olunan qadınları ziyarət edib. Bu barədə Modern.az saytına YAP-ın Nəsimi rayon təşkilatının sədri, millət vəkili Məlahət İbrahimqızı məlumat verib. Onun sözlərinə görə, həmin xəstəxanada uzun müddətdir 500-dən çox xəstə qadın müalicə olunur. M.İbrahimqızı deyib ki, həmin qadınlar YAP-ın Nəsimi rayon təşkilatının hamiliyə götürdüyü xəstələrdir. Bu günkü ziyarət zamanı təşkilat adından xəstələrə Beynəlxalq Qadınlar günü münasibətilə hədiyyələr paylanıb, onlar üçün konsert proqramı təşkil olunub.
Modern.az