Bu gün Müasir Müsavat Partiyasının Mərkəzi Qərargahında partiyanın İdarə Heyətinin, Mitinq Komitəsinin və rayon təşkilat sədrlərinin, Qərbi azərbaycanlıların Əlaqələndirmə Şurasının, həmçinin fəal gənclərin iştirakı ilə geniş toplantısı keçirilib.
Bu barədə Modern.az-a partiyanın mətbuat xidmətindən məlumat verilib. Toplantıda MMP-nin keçirəcəyi mitinqin detalları müzakirə edilib. Müzakirələr zamanı məlum olub ki, aksiya üçün nəzərdə tutulan bütün texniki məsələlər həll olunub. Aksiyanın keçirilməsi üçün MMP-nin BŞİH-nə ünvanladığı məktuba bu günə qədər cavab verilməməsi yeganə problem kimi dəyərləndirilib. Qərara alınıb ki, BŞİH-dən mitinq gününə hər hansı bir cavab alınmazsa, partiya həmişəki kimi icazəsiz olaraq Bakının mitinqə münasib meydanlarının birində etiraz aksiyasını keçirsin. Mitinq Komitəsi bu dəfə də aksiyanın keçirilməsində gənc fəallardan və Qərbi azərbaycanlılardan kömək istəyib.
Modern.az
