ABŞ prezidenti Donald Trampın Almaniyanın Hamburg şəhərində təşkil edilən G20 zirvəsində çəkilən şəkildə qıraqda qalması sosial mediada gündəm yaratdı.
Lakin Trampın şəkildəki mövqeyi tamamilə, fotoşəkil protokolu ilə əlaqəlidir.
Modern.az xarici KİV-ə istinadən xəbər verir ki, şəkil protokoluna görə, ən çox xidmət edən liderlər kadrın ortalarında durmalıdır.
Ev sahibi, Almaniya kansleri Angela Merkel ortada, Argentina prezidenti Mauricio Macri və Çin prezidenti Şi Cinping Merkelin yanında duran adlar oldu.
Şəkildə Donald Trampdan da qıraqda dayanan tək ad isə mayda vəzifəsinə başlayan Fransa prezidenti Emmanuel Makron oldu.
Günay RƏSULQIZI
